Tu Shame Risalat Hai

by Adeel Thu Dec 30, 2010 2:09 am

tū sham-e risālat hai ‘ālam tera parwāna
tū maahe nabuwwat hai ae jalwa’e jānā-na

jo saaqī-e kauṣar ke chehre se niqāb uthe,
har dil bane meh-khāna har ânkh ho pemānah

dil apna chamak uthe īmān kee tal’at se,
kar ânkheiN bhī nūrānī ae jalwa’e jānā-na

har phool maiN boo terī, har sham’a maiN zau terī,
bulbul hai tera bulbul, parwana hai parwana

peete haiN tere dar ka, khaate haiN tere dar ka,
paanī hai tera paanī, daanah hai tera daanah

har aarzū bar âye, sab hasrateiN pūrī hauN,
woh kaan zara dhar kar, sunle mera afsānah

gir-par ke yahāN pohancha, marr-marr ke isse pāya,
choote na ilāhī ab, sang-e dar-e jānā-na

woh kehte na kehte kuch, woh karte na karte kuch,
ae kaash woh sun lete, mujh se mera afsānah

ânkhauN maiN merī, tū âa, aur dil maiN mere bas-ja,
dil shaad mujhe farma ae jalwa’e jānā-na

[dunya maiN mujhe apna, tum ne tu banāya hai,
maHshar maiN bhī keh dena, yeh hai mera deewāna]

sarkār ke jalwauN se, raushan hai dil-e noorī,
ta-Hashr rahe raushan, noorī ka ye kāshānah

Qurban Howe Meri jaan ..

Salle Alaa Nabiyena Salle Alaa Mohammadin Salle Alaa Shafiyena Salle Alaa Shafiyena Salle Alaa Mohammadin ..

Woh Joh Na The, Toh Kuch Na Tha,

Woh Joh Na Ho To Kuch Na Ho,

Kyun Ke Jaan Hai Woh Jahan Ki ..

Jaan Hai Woh Jahan Ki, Jaan Hai Toh Jahan Hai ..