Allah ka khauf

Dil ka pyaala

Eik naujawaan kisi buzurg ki khidmat mein haazir hua aur kehne lagga:

“Hazrat, aap farmaate hain keh badnigaah se parheyz karo, naujawaan hoon baazar se guzarte hue meri nigaah kaaboo mein nahin rehti, kya karoon?”

Unhon ne kaha: “Main yeh raaz samjhaoonga, shart yeh hai keh mera koi kaam kardo”

Us ne kaha: “Main tayyaar hoon –“, farmayaa: “flaan buzurg bazaar mein rehte hain, in ko yeh doodh ka pyaala pohncha kar aao-“

Us ne kaha: “pohncha deta hoon – “, farmaaya:”- ek baat aur bhi hai ke doodh girne na dena – “

Us ne kaha: “fikar na karen, ek kadra bbhi girne na doonga”

Unhon ne kaha: “Achhaa agar ek kadra bhi gir gaya to phir ek bande ko saath bhejoonga, woh tumhein woh thappad waheen lagaaye ga”

Us ne kaha: “Manzoor hai”

More …

ohhw very interesting, usman u did a nice work! thnkoo! im waiting for more

Continued:

Unhon ne pyaala zara labalab bhara aur ek mazboot insaan ko bhi saath kar diya, ab yeh saab pyaala haath mein le kar badi ihtiyaat se chaltey hue bachte bachaate hue baalaakhar manzil per pohunch gaye -

Khushi khushi waapis aaye ke "hazrat main ne doodh buzurg tak pohuncha diya - ab aap mujhe nazar ki hifaazat ka tareeka bataaiye -"

Unhon ne kaha: "Doodh to pohuncha diya magar yeh bataao aaj raaste mein tumne kitni shaklon ko dekha? -"

Kehne lagge:"Hazrat idher dheyaan hi nahin tha"

"Kyun dheyaan nahin tha?"

Arz kiya: "Hazrat dil mein khauf tha ke agar pyaala chilk gaya to saath chalne waala bharre baazaar mein joote lagaayega - meri ruswaai hogi"

Farmaane lagge: "Allah waalon ka bhi yehi haal hota hai. Woh samajhte hain ke agar gunaah ke zariye dil ka pyaala chilak gaya to Qayaamat ke din sarre aam ruswaai hogi - Isliye in ki nigaah bhi idher nahin uthti".

End.

oh very very nice.. really nice to read.. jazakAllah..